ഞങ്ങൾ ആരാണ്?

കേരള ഓട്ടോമൊബൈൽസ്
ലിമിറ്റഡ് (കെ‌എ‌എൽ)

46 വർഷത്തെ പ്രവർത്തനം - ഗതാഗത രംഗത്ത് ഒരു വിപ്ലവം.!

കേരള ഓട്ടോമൊബൈൽസ് ലിമിറ്റഡ് (KAL) 1978-ൽ കേരള സർക്കാരിന്റെ വ്യവസായ വകുപ്പിന്റെ നിയന്ത്രണത്തിലുള്ള ഒരു പൊതുമേഖലാ സ്ഥാപനമായി പ്രവർത്തനം ആരംഭിച്ചു. 'കേരള' എന്ന ബ്രാൻഡിൽ യാത്രക്കാർക്കും ചരക്ക് ഗതാഗതത്തിനും അനുയോജ്യമായ ഇലക്ട്രിക് ത്രീ വീലറുകൾ ഞങ്ങൾ നിർമ്മിക്കുന്നു. വിപണിയിലെ ഏറ്റവും പരിസ്ഥിതി സൗഹൃദ വാഹനങ്ങളായി ഞങ്ങളുടെ വാഹനങ്ങളെ കണക്കാക്കുന്നു. വി എസ്സ് എസ്സ് സി, എൽ പി എസ്സ് സി, ഐ ഐ എസ്സ് യു എന്നീ ബഹിരാകാശ ഏജൻസികളുടെ വിവിധ ബഹിരാകാശ പദ്ധതികൾക്കായി ഹൈ പ്രിസിഷൻ എയ്‌റോ സ്‌പേസ് ഘടകങ്ങളുടെ നിർമ്മാണവും കെ എ എൽ നടത്തുന്നുണ്ട്. കെ എ എൽ 1984-ൽ 175 സിസി ടു സ്ട്രോക്ക് ഗ്യാസോലിൻ എഞ്ചിനുകളാൽ പ്രവർത്തിക്കുന്ന മുച്ചക്ര വാഹനങ്ങളുടെ ഉൽപ്പാദനം വാണിജ്യാടിസ്ഥാനത്തിൽ ആരംഭിച്ചു. 1991-ൽ കെ എ എൽ 325 സിസി ഫോർ സ്ട്രോക്ക് ഡീസൽ എഞ്ചിനുകളാൽ പ്രവർത്തിക്കുന്ന മുച്ചക്ര വാഹനങ്ങളുടെ വാണിജ്യാടിസ്ഥാനത്തിലുള്ള ഉത്പാദനം ആരംഭിച്ചു. കെ എ എൽ 2019 വരെ ഡീസൽ ത്രീ വീലറുകളുടെ ഉത്പാദനം തുടർന്നു. കെഎഎൽ 2019 മുതൽ ഐസി എഞ്ചിൻ വാഹനങ്ങളുടെ നിർമ്മാണം നിർത്തുകയും പരിസ്ഥിതി സൗഹൃദ ഇലക്ട്രിക് വാഹനങ്ങളിലേക്ക് കടക്കുകയും ചെയ്തു. കേരള നീം ജി എന്ന ബ്രാൻഡ് നാമത്തിൽ യാത്രക്കാരുടെ ഗതാഗതത്തിന് അനുയോജ്യമായ ഇലക്ട്രിക് ത്രീ വീലറുകളും കേരള ഗ്രീൻ സ്ട്രീം എന്ന ബ്രാൻഡ് നാമത്തിൽ ചരക്ക് ഗതാഗതത്തിന് അനുയോജ്യമായ ഇലക്ട്രിക് ത്രീ വീലറുകളും കമ്പനി നിർമ്മിക്കുന്നു. കാർബൺ പുറന്തള്ളൽ കുറയ്ക്കുന്നതിനും ഹരിത ഗതാഗതം പ്രോത്സാഹിപ്പിക്കുന്നതിനും ലക്ഷ്യമിട്ടുള്ള സംരംഭങ്ങളിൽ കെ എ എൽ സജീവമായി പങ്കെടുക്കുന്നു.